Tarta da avoa

Ingredientes:

Flan.
Chocolate derretido.
Galletas cadradas.
Leite.

Modo de preparación:
Para o flan: dun l de leite apartamos un pouquiño para unha cunca. O resto vertémolo nun cazo para ferver. Mentres está o leite ao lume, ao leite que gardamos na cunca engadímoslle 3 sobres de flanín e remexemos para que non queden grumos.
Cando o leite que temos na pota esté fervendo engadímoslle esta mestura e a lume lento imos remexendo sen parar ata que se poña espeso.
Antes de que o leite que está na pota ferva podemos engadinlle 3 culleriñas de azucre.
Para o chocolate: nunha pota botamos un chisquiño de leite e unha barra de chocolate para fundir cortada en cachiños pequenos. A lume lento imos remexendo ata que o chocolate se vai desfacendo e espesando.
Último paso: unha vez temos preparado o flan e o chocolate empezamos a montar a tarta.
Nun prato fondo botamos un pouco de leite e mollamos alí as galletas antes de poñelas no molde, facendo así a primeira capa da tarta. Seguidamente, vertemos un pouco flan e estendémolo para que cubran  todas as galletas. Unha vez feito esto, colocamos enriba do flan vertido outra capa de galletas seguido o mesmo procedemento de antes (mollar a galleta no leite antes de poñela no molde). Agora tócalle á capa de chocolate, vertemos un pouco e cubrimos a capa de galletas e así sucesivamente: galleta, flan , chocolate, galleta, flan, chocolate...
A última capa podemos cubrila con flan ou chocolate, ao gusto do consumidor.
Acabadas as capas da tarta metémola na nevera e deixámola a refriar un par de horiñas.

TARTA DE QUEIXO FRÍA.

Ingredientes:

-1 L de nata.

-200 g de queixo para untar.

-1 vaso de leite.

-1 vaso de azucre.

-1 sobre de callada.

Para a base:

-1 paquete de galletas María.

-2 culleres de manteiga.

Elaboración:

1. Machacamos as galletas e derretimos a manteiga. Mesturamos as dúas cousas e formamos unha base no molde con esta mestura. Reservámola.

2. Botamos todos os ingredientes nunha pota e poñémola a lume lento sen deixar de remover ata que ferva.

3. Botamos a mestura fervida no molde e esperamos a que enfríe. Cando esté fría, metémola na neveira unhas 4 horas.

4. Unha vez pasado ese tempo, desmoldamos a tarta e xa podemos adornala como máis nos guste; con marmelada, caramelo ou mel.